Татарстан "Мәгариф" милли проектына алты ел эчендә 26 млрд сум юнәлдерде
Татарстанда "Мәгариф" милли проекты чараларына алты ел эчендә 26 млрд сум җибәрелгән, шул исәптән 20 млрд сум - федераль бюджеттан. 2019 елдан 2024 елга кадәр “Мәгариф” илкүләм проекты буенча республикада 25,7 мең урынлы 22 мәктәп төзелде, авыл мәктәпләрендә 20 спорт залы ремонтланды, 830 мәгариф оешмасы заманча җиһазлар белән җиһазланды.
Аның сүзләренә караганда, быел республиканың 72 мәктәбендә «Точка роста» проекты буенча биология, физика, химия кабинетларында җиһазлар яңартылды, 64 нче мәктәптә һәм 174 нче гимназиядә ике «Кванториум» технопаркы төзелде. Моннан тыш, тугыз районның сәламәтлеге мөмкинлекләре чикләнгән балалар өчен 11 мәктәптә психологлар, дефектологлар, логопедлар кабинетлары яңартылды. Милли проект буенча быел шулай ук 38 мәктәп һәм Яшел Үзән суднолар төзелеше көллияте мәгълүмат-коммуникация җиһазлары белән тәэмин ителгән. Дәүләт символлары белән 1117 мәктәпне җиһазландырдылар.
2024 елда "Мәгариф" милли проекты чараларына барлыгы 3,7 млрд сумнан артык акча җибәрелгән, шул исәптән 3 млрд сумнан артыгы федераль бюджеттан бүленгән. Бүгенгә акчаларны үзләштерү 99,7% тәшкил итә.