Әлмәт районында “КЭС-БАСКЕТ” мәктәп баскетбол лигасы чемпионатының дивизиональ этабы узды
19-20 декабрьдә Әлмәт районында “КЭС-БАСКЕТ” мәктәп баскетбол лигасы чемпионатының 2024/2025 еллар сезонында Татарстан Республикасы гомуми белем бирү оешмалары командалары арасында дивизиональ этабы узды. (5 нче дивизия (Көньяк-Көнчыгыш)).
Уеннар Татарстан Республикасы Әлмәт муниципаль районының М.К. Таһиров исемендәге 1 нче лицей спорт залларында үтте.
Ярышларның баш хөкемдары - Бөтенроссия категорияле хөкемдар Валерий Терентьев. «КЭС-БАСКЕТ» мәктәп баскетбол лигасы чемпионатының дивизиональ этабы «Баскетбол - мәктәпкә» бөтенроссия проекты кысаларында уздырыла.
Чемпионат үткәрү «Спорт - яшәү нормасы» федераль проектының «Демография» илкүләм проектының максатларына һәм бурычларына туры килә һәм гомуми белем бирү оешмаларында баскетболны үстерүгә һәм популярлаштыруга юнәлдерелгән.