Һөнәри осталык буенча Бөтенроссия хәрәкәтенең төбәк этабы башланды

2024 елның 25 декабре, чәршәмбе

Россия төбәкләрендә һөнәри осталык буенча Бөтенроссия чемпионаты ярышлар чараларына старт бирелде. Чемпионат хәрәкәте Россия Мәгариф министрлыгы ярдәмендә оештырылган. Федераль оператор - Һөнәри белем бирүне үстерү институты.

Хәзерге вакытта 2025 елның чемпионат циклы старт алды: көллиятләрдә сайлап алу ярышлары уза, аннары төбәк чемпионатлары башланачак.

Чемпионат хәрәкәтенең төбәк этабы 15 мартка кадәр дәвам итәчәк, конкурста катнашучылар арасына 14 яшьтән мәктәп укучылары (юниорлар) һәм көллият һәм техникум студентлары (төп зачет) керәчәк. Алар үз төбәкләрендә ихтыяҗ булган компетенцияләр буенча осталыкларын күрсәтәчәкләр.

Ярышлар төрле мәйданчыкларда, шул исәптән предприятиеләр территориясендә узачак.