Мәктәп директорлары, директор урынбасарлары һәм балалар бакчалары мөдире өчен республика күләм семинары

Татарстан Республикасының Мәгарифне үстерү институты Россия мәгариф академиясенең Мәгариф идарәсе институты белән берлектә 2013 нчы елның 15 нче ноябрендә Казан шәһәренең Яңа Савин районындагы “Аерым фәннәрне тирәнтен үзләштерүгә нигезләнгән 177 нче мәктәп” базасында мәктәп директорлары, директор урынбасарлары һәм балалар бакчалары мөдире өчен республика күләм семинар үздыра.
Семинар эшендә Мәскәү шәһәренең Россия мәгариф академиясе Мәгариф идарәсе институтының мәгариф системалары белән идарә лабораториясе мөдире, профессор, икътисад фәннәре докторы Пуденко Татьяна Ивановна катнаша.
Әлеге семинар кысаларында түбәндәге сораулар буенча фикер алышу үткәрелә:
1. Эффектив (нәтиҗәле) контрактның нигезе буларак мәгариф системасында кадрлар сәясәте.
2. Мәктәпкәчә белем бирүдә федераль дәүләт белем страндартлары һәм мәгариф белән муниципаль дәрәҗәдә идарә итүнең актуаль мәсьәләләре.