ТР Мәгариф министрлыгы: Ясалма интеллект мәгариф системасын трансформацияләүгә китерәчәк
Kazan Digital Week популярлаша бара, бу хакта форумда төрле илләрдән, шулай ук илебез төбәкләреннән катнашучылар санының ел саен артуы сөйли. Махсуслаштырылган журналларда үзләренең фәнни хезмәтләрен бастыручы галимнәр һәм белгечләрдә кызыксыну арта. Бу хакта бүген ТР мәгариф һәм фән министрының беренче урынбасары Андрей Поминов халыкара форум алдыннан оештырылган “Мәгарифтә цифрлы технологияләр” вебинарында хәбәр итте.
Поминов искә төшергәнчә, Россия Президенты Владимир Путин ЯИ өлкәсе эшләнмәләрен илнең фәнни һәм технологик суверенитеты өчен төп шартларның берсе дип атады.
Мәгарифтә төп трендларның берсе - ясалма интеллект технологияләрен куллану. Болар персонализацияләнгән биремнәрне автомат рәвештә генерацияләргә, мөстәкыйль эшләрне тикшерергә, тестлар һәм уку контентын эшләргә, виртуаль ярдәмчеләрдән һәм предиктив аналитика системасыннан файдаланырга мөмкинлек бирә.