Тарихи-хокук турнир нәтиҗәләре

2013нче елның 13нче ноябрендә “Костер” исемле балалар сәламәтләндерү-белем бирү үзәгендә Татарстан Республикасының Мәгариф һәм фән министрлыгы, Казан шәһәре “Сәләтле балаларны иҗади үстерү һәм гуманитар белем бирү үзәге” балаларга өстәмә белем бирү муниципаль бюджет учреждениесе тарафыннан ел саен үткәрелә торган тарихи-хокук турниры тәмамланды.
Турнирда Казан, Нурлат, Түбән Кама, Яр Чаллы, Баулы шәһәрләреннән һәм Татарстан Республикасы Балтач муниципаль районнарыннан 45 укучы һәм 15 команда җитәкчесе катнашты.
“Дебаты” уенының (К. Поппер технологиясе буенча) команда беренчелегендә абсолют җиңүче булып “Глас народа” командасы танылды. Ул Казан шәһәре 37нче гимназия укучыларыннан гыйбарәт: Ахтямов Азат (10нчы сыйныф), Смирнова Екатерина (10нчы сыйныф), Галеева Талия (11нче сыйныф), команда җитәкчесе Тимошевская Татьяна Фёдоровна.
“Парламентские дебаты по Британской системе” и “Что? Где? Когда?” уеннары нәтиҗәре нигезендә абсолют җиңүче исеменә “Правосудие” командасы лаек булды. Команда әгъзалары – Казан шәһәре 8нче гимназия 11нче сыйныф укучылары Хисматуллина Гөлназ, Галимова Аделина, Журавлёва Екатерина, команда җитәкчесе - Гогонина Светлана Владимировна.
Турнирны оештыру һәм үткәрү этапларында Казан федераль университетының юридик факультеты, Халыкара мөнәсәбәтләр, тарих һәм шәрык фәне институты укытучылары, аспирантлары, студентлары актив катнашты. Оештыру-методик җитәкчелекне Воронин Максим Валерьевич (юридик факультетының дәүләт теориясе һәм тарихы һәм хокук кафедрасы ассистенты, Н.И. Лобачевский исемендәге лицей укытучысы), жюри рәисе вазифаларын кафедра мөдире Решетов Юрий Сергеевич үтәделәр.
Җиңүчеләргә дипломнар һәм истәлекле бүләкләр тапшыру церемониясендә Казан федераль университетының Халыкара мөнәсәбәтләр, тарих һәм шәрык фәне институты директоры урынбасары Кривоножкина Екатерина Геннадьевна һәм Казан шәһәре “Сәләтле балаларны иҗади үстерү һәм гуманитар белем бирү үзәге” директоры Зарипова Гүзәл Динарис кызы катнашты.