2025/2026 уку елына мәктәпләр өчен БТЭ (ВПР) расписаниесе расланды
Рособрнадзор боерыгы белән 2025/2026 уку елында мәктәпләрдә бөтенроссия тикшерү эшләрен (ВПР) уздыру вакыты һәм дәвамлылыгы расланды. Документ Россия Юстиция министрлыгы тарафыннан 29 майда теркәлгән.
ВПР 20 апрельдән 20 майга кадәр узачак, теге яки бу предмет буенча тикшерү эшен уздыруның конкрет датасын мәктәп мөстәкыйль билгели. Киләсе уку елында тикшерү эшләре 4-8 һәм 10 сыйныфларда узачак. Аларның озынлыгы бер-ике дәрес (45 яки 90 минут) тәшкил итәчәк.
Рус теле һәм математика - ВПРда катнашучылар өчен мәҗбүри ике фән булачак. Дүртенче сыйныф укучылары шулай ук ВПР ны очраклы сайлау буенча предметларның берсе буенча үтәчәк: әйләнә-тирә дөнья, әдәби уку яки чит тел (инглиз, немец яки француз теле).
5 һәм 6 сыйныфларда очраклы сайлау буенча фәннәр тарих, әдәбият, чит тел, география һәм биология булачак, сайлау буенча предметларга 7 һәм 8 сыйныфларда физика һәм информатика, ә 8 һәм 10 сыйныфларда шулай ук җәмгыять белеме өстәләчәк.
Математика һәм физика буенча ВПР 7 һәм 8 сыйныфларда база яки тирәнтен дәрәҗәдә үткәрергә мөмкин. 5-8 сыйныфларда сайлау буенча ВПРның бер өлеше компьютер формасында да да, язма формасында да үткәрелергә мөмкин.