Алабугада балаларның хокукларын саклау көне

Бүген Бөтенрәсәй кысаларында үткәрелә торган балаларның хокукларын саклау көне уңаеннан Алабуга укучылары үзләрен борчыган сорауларны хокук саклау органнары, прокуратура, опека бүлеге, Мәгариф идарәсе, балигъ булмаган яшьләр белән эшләүче комиссия вәкилләренә бирә алдылар.
Бу көн 9 нчы мәктәп өчен аеруча үзенчәлекле булды - югары сыйныф укучылары белән очрашуга ТР ның юстиция министры урынбасары- җирле үзидарә органнары белән хезмәттәшлек итүче хокук саклау нормалары буенча начальник Мөхәррәм Ибәтов килде. Ул, бу көнне, балаларның хокукларын саклау органнары мәктәп укучылары өчен генә түгел, әти- әниләре дә үзләрен кызыксындырган сорауларга нотариуста түләүсез консультация ала алалар, -дип билгеләп үтте.
Юридик бүлек начальнигы урынбасары Луиза Кәримова балаларның хокуклары турында сөйләде, төнге сменада, ял һәм бәйрәм көннәрендә балалар хезмәтеннән файдалану тыела.
Татьяна Хайдукова, әти- әниләр балаларның милекләрен сата алалармы, яки балалар әти- әниләре милкеннән файдалана алалармы – шул турыда сөйләде. Югары сыйныф укучыларын фамилияләрен алыштыра алулары һәм 18 яшькә кадәр никахны законлаштыру мөмкин булуы аеруча кызыксындырды.
Укучыларны иң дулкынландырган сорауларның берсе - Бердәм Дәүләт имтиханнарын тапшыру һәм закон буенча кертелгән яңалыклар булды. Бердәм Дәүләт имтиханнарын тапшыра алмаган чыгарылыш класс укучыларын икенче уку елына калдырмаска,- дип белдерде мәгариф идарәсе урынбасары ЕленаТерентьева.
Укучыларның биргән сораулары аларның хокукларын саклау таләпләре турында гына түгел, ә аларның ата- аналарына да кагылышлы булды. Балаларның закон таләпләрен бозганнары өчен, аларның ата- аналары җаваплы, ким дигәндә 500 сум штраф, ә күп дигәндә ата- ана хокукларын югалта, -дип җавап бирде прокурор.
ТР ның юстиция министры урынбасары балаларны хокук бозучыларга карата битараф булмаска, һәрвакыт уяу булырга чакырды. Йомгаклау өлешендә мәктәпкә балалар хокукын саклау турындагы сорауларга җаваплар теркәлгән җыентык бүләк итте.