1 сентябрьгә Татарстанда 213 мәгариф объекты ремонтланачак
1 сентябрьгә Татарстанда 213 мәгариф объекты ремонтланачак. Эшләрне республиканың дүрт һәм дүрт федераль программа кысаларында уздыралар, дип хәбәр итте Татарстан Республикасы Төзелеш министрлыгы башлыгы Марат Айзатуллин.
«Мәктәпкәчә мәгариф учреждениеләре буенча ремонт эшләре 98%ка җитте. Узган 2 атнада ремонтланган 3 балалар бакчасын да исәпкә алып, 9 объект тапшырылган. Быел 11 балалар бакчасы ремонтлана. 8 ресурс үзәген төзекләндерү эшләре 99%ка үтәлгән», - диде министр.
Шулай ук, аның сүзләренчә, Татарстанда гомуми белем бирү оешмаларына капиталь ремонт программасы тулысынча төгәлләнгән, 74 мәктәптә азык-төлек блогы ремонтланган. Шулай ук тулай торакларны ремонтлау программасы төгәлләнгән. Баулы, Кукмара районнарында һәм Казанда объектлар тапшырылган.