Ислам Тухтаров Сириуста "АгроСмена" интенсивында виноград үстерүчеләрне укыту өчен VR-симулятор эшләгән
Сириуста заманча агротехнологияләр тәкъдим итүче уникаль «АгроСмена» белем бирү интенсивы тәмамланды. Программада илнең 15 төбәгеннән агротехник сыйныф укучылары катнашты. Ике атна мәктәп укучылары алдынгы агротехнологияләрне өйрәнделәр, авыл хуҗалыгында булачак һөнәри карьера һәм аның белән бәйле югары технологияләр өчен төп күнекмәләрне үстерделәр. Алар агросәнәгать комплексының реаль бурычларын хәл иттеләр, тармакның әйдәп баручы белгечләре белән аралаштылар һәм мастер-классларда катнаштылар.
Тухтаров Ислам - сигезенче сыйныф укучысы аграр юнәлеш белән ике ел элек мавыга башлаган. Хәзер ул агротехнологик сыйныфта укый. Аны бигрәк тә авыл хуҗалыгына ИТ-технологияләр интеграциясе кызыксындыра. «АгроСмена» программасында ул мәгълүмати-техник юнәлешне сайлаган.
"АгроСмена"да Ислам виноград үстерү белән шөгыльләнүче персонал өчен VR-симулятор булдыру өстендә эшләгән. Бу проект виноград кырларын эшкәртү хезмәткәрләрен укыту процессын тизләтергә ярдәм итә.
Ислам «АгроСмена»да кызыксынулар буенча күп шөгыльләр булганын сөйләде. Тәҗрибәле остазлар һәм белгечләр җитәкчелегендә эшләү, бөтен ил буенча яшьтәшләре белән аралашу - болар барысы да киләчәк проектларны тормышка ашыруда ярдәм итәчәк.