СИБУР «Менделеевск сменасы» гадәти булмаган химия дәресләрен үткәрү проектын киңәйтә
10сыннан 25 октябрьгә кадәр Россиядә ясалма интеллект кулланып гадәти булмаган химия дәресләре узачак. СИБУР компаниясе ярдәмендә тормышка ашырылучы мәгариф проекты быел масштабны киңәйтә.
Россиядә проект амбассадорлары саны 750 гә кадәр артты, химия дәресләре 20 мең мәктәп һәм ссуз укучысы өчен узачак. Узган ел проектта илнең 35 шәһәрендә 217 мәктәп катнашты.
Казанда проект амбассадорлары саны икеләтә арткан, шәһәрнең 40 мәктәбендә 3 000 укучы өчен интерактив дәресләрне 135 кеше үткәрәчәк. Шул исәптән, укучыларны химия дөньясына алып керүчеләр ролендә «Казаноргсинтез»ның баш инженеры Анатолий Строев, «СИБУР-Инновация» генераль директоры Илназ Зарипов һәм «СИБУР-РТ» башкарма директоры Людмила Журавленко чыгыш ясаячак.
Быел проектка беренче тапкыр көллиятләр һәм техникумнар да кушылды. Татарстанда дәресләр Н.В. Лемаев исемендәге нефть химиясе һәм эшкәртү көллиятенең беренче һәм икенче курс студентлары һәм В.П. Лушников исемендәге Казан нефть химиясе көллиятенең 30 студенты өчен узачак. Проектта Татарстан, Түбән Новгород, Төмән һәм Амур өлкәләреннән, Башкортостан республикасыннан һәм Ханты-Манси автономияле округыннан барлыгы 730 студент катнаша. Студентлар өчен уку программасы нефть химиясе викторинасы рәвешендә тәкъдим ителгән, җиңүчеләргә бүләкләр тапшырылачак.