«Творим невиданный полет» пилотсыз очкычлар фестиваленең республика этабы Иннополиста узачак

2025 елның 30 октябре, пәнҗешәмбе

31 октябрьдә «Иннополис мәктәбе» базасында пилотсыз авиация системалары фестиваленең республика этабы узачак.

Чара Татарстан Республикасы мәгариф оешмалары укучыларын җыячак. Ярышлар 10:00 сәгатьтә башлана.

Фестиваль фәнни-техник иҗат һәм инженерия белән кызыксынуны үстерүгә, шулай ук пилотсыз очу аппаратлары белән идарә итү күнекмәләрен алуга һәм камилләштерүгә юнәлтелгән.

Ярышлар өч номинациядә узачак:

1) «БАС операторы»;

2) «БАС операторы (симулятор)»;

3) « БАС ремонты».

Региональ этапта җиңүчеләр Татарстан Республикасын Бөтенроссия этабында тәкъдим итү хокукына ия булачаклар.