Татарстан укучысы гарәп теле буенча төбәкара олимпиадада җиңүче булды
Түбән Кама шәһәренең 24 нче лицей-интернатының 11 нче сыйныф укучысы Абдулбари Аллун гарәп теле буенча төбәкара олимпиадада җиңүчеләр арасына керде, аның финал этабы 1-2 ноябрьдә Мәскәү өлкәсендә Е.М. Примаков исемендәге гимназиядә узды.
Олимпиаданың йомгаклау этабында Россиянең тугыз төбәгеннән 53 финалист катнашты. Беренче турга барлыгы 23 меңнән артык гариза бирелгән, бу узган елгы күрсәткечтән ике тапкырга арткан.
Бүләкләү тантанасында олимпиада жюри рәисе, СПбДУ гарәп филологиясе кафедрасы мөдире Олег Редькин, шулай ук олимпиаданы оештыручы, шәех Фатыйма бинт Мөбәрәк исемендәге белем бирү үзәге җитәкчесе Мария Бусарова чыгыш ясады.
Конкурс сынауларыннан тыш, катнашучылар өчен иҗади мастер-класслар, гарәп киносын күрсәтү һәм башка мәдәни чаралар оештырылды.