Казанда мәгариф өлкәсендә кадрлар резервы конкурсына гаризалар кабул итү башланды
26 гыйнварда Казанда шәһәр мәгариф системасының идарәче кадрлар резервын формалаштыру буенча еллык бәйгегә гаризалар кабул ителә башлый.
Конкурс гомуми, мәктәпкәчә һәм өстәмә белем бирү учреждениеләрендә җитәкче вазифаларын башкарырга әзер булган белгечләрне ачыклауга юнәлтелгән.
Бәйгедә белем бирү өлкәсендә кимендә биш ел эш тәҗрибәсе һәм «Дәүләт һәм муниципаль идарә», «Менеджмент» яки «Персонал белән идарә итү» юнәлешләре буенча югары белем турында дипломы булган белгечләр катнаша ала.
Бәйгедә катнашучылар документларын 17-20 февральдә 9:00-18:00 сәгатьтә тапшыра ала.
Документлар район мәгариф бүлекләрендә, шулай ук Мәгариф идарәсендә (Большая Красная урамы) кабул ителә.
Бәйгедә катнашу өчен кирәкле документлар исемлеге Мәгариф идарәсе рәсми сайтында урнаштырылган, диелә хәбәрдә.