“Варенье” балалар иҗаты фестивале булды

2013 нче елның 6-8 нче декабрендә Н.Ә.Гәлләмов исемендәге девиант тәртипле балалар һәм яшүсмерләр өчен ябык типтагы Республика махсус гомуми белем бирү мәктәбе укучылары Крутушка поселогында урнашкан “Байтик” лагеренда булдылар.  Анда интернатта, балалар йортларында тәрбияләнүче, мөмкинлекләре чикләнгән балалар арасында “Варенье” балалар иҗаты фестивале булды.
Балалар лагерьда 3 көн булдылар. Шушы көннәрдә алар Казан Кремелендә, Кол Шәриф мәчетендә, Благовещенск соборында булдылар.
Алар үз куллары белән өлкәннәр өчен Яңа ел бәйрәменә багышланган открыткалар ясарга өйрәнделәр. Һәм шулай ук төрле дәрәҗәдәге: брейк- данс, чигү, тәлинкәгә рәсемнәр ясау буенча мастер-классларда катнаштылар.
Лагерьда брек-данс буенча оештырылган ярыш НКЦда булды. Н.Ә.Гәлләмов исемендәге девиант тәртипле балалар һәм яшүсмерләр өчен ябык типтагы Республика махсус гомуми белем бирү мәктәбе укучылары “Магик ритм” номинациясендә Бөек Устюг шәһәренә Кыш бабай янына барырга мөмкинлек бирә торган 1нче дәрәҗә диплом һәм Гран-прига лаек булдылар.