Татарстанда «Абилимпикс» чемпионатында 1,7 меңнән артык катнашучы җыелды
Татарстан Республикасында инвалидлар һәм сәламәтлек мөмкинлекләре чикле затлар арасында «Абилимпикс» һөнәри осталык буенча төбәк чемпионаты тәмамланды. Ярышларда 1700гә якын конкурсант катнашты, шуларның 600гә якыны – «Мәктәп укучылары», «Студентлар» һәм «Белгечләр» . Чара «Яшьләр һәм балалар» илкүләм проектының «Профессионалитет» федераль проекты кысаларында уздырыла.
Чемпионат Татарстан Республикасының 14 муниципаль районындагы 35 белем бирү оешмасы базасында узды. Чара кысаларында 48 төп һәм 76 төбәк компетенцияләре буенча ярышлар үткәрелде. Конкурсантларның эшен 661 эксперт бәяләде, ә мәйданчыкларда аларны 620 волонтер озата йөрде. Яңа компетенцияләр арасында «Бровист», «БПЛА эшләү һәм җыю», «Реклама буенча белгеч», «Социаль реабилитация буенча белгеч» һәм «Техник-протезист» юнәлешләре бар иде.