Балалар бакчалары һәм көллиятләр беренче тапкыр ата-аналар инициативалары конкурсына гариза бирә ала
Мәктәпкәчә белем бирү учреждениеләре һәм урта һөнәри белем бирү оешмалары вәкилләрен ата-аналар җәмгыятьләре инициативалары конкурсында катнашырга чакыралар. Конкурс гаилә белән уку йортлары арасындагы хезмәттәшлекне үстерүгә һәм үсеп килүче буын өчен уңайлы һәм куркынычсыз мохит тудыручы идеяләрне хуплауга юнәлтелгән. Эшләр 15 майга кадәр кабул ителә.
Конкурс Россия Мәгариф министрлыгы ярдәме белән «Белем» (Знание) җәмгыяте тарафыннан оештырылган.Катнашучылар тугыз юнәлеш буенча проектлар тәкъдим итә ала: «Эстетик тәрбия», «Фәнни танып белү», «Куркыныч төркемендәге яшүсмерләрне социальләштерү», шулай ук гражданлык, патриотик, рухи-әхлакый, физик, хезмәт һәм экологик тәрбия. Гаризалар кабул итү төгәлләнгәннән соң, проектларны бердәм эксперт советы бәяләячәк, ә җиңүчеләр исемлеге июнь ахырына кадәр расланачак.
Җиңүчеләр 200 меңнән 2 миллион сумга кадәр премия алачак һәм үз инициативаларын 2026 елның ноябрь уртасына кадәр тормышка ашырачак.