Чирмешән кадет мәктәбендә Җиңү көненә багышланган мәгълүмати стенд ачылды
Чирмешән кадет мәктәп-интернатында Җиңү көнен бәйрәм итүгә һәм Җиңү парадына әзерлек кысаларында «Истә тотабыз. Горурланабыз. Олылыйбыз.» шигаре астында тәрбия һәм патриотик чаралар комплексы тормышка ашырыла.
Директорның тәрбия эшләре буенча киңәшчесе В.Н. Кузнецова укучылар үзидарәсе активы белән берлектә Җиңү көненә багышланган тематик мәгълүмати стенд эшен оештырган. Экспозиция парадка әзерлекнең мөһим өлеше булып тора, ул кадетларга һәм укучыларга Бөек Җиңүнең тарихи әһәмиятен тирәнрәк аңларга ярдәм итә. Стендта безгә тыныч күк йөзе бүләк иткән геройларның — тәрбияләнүчеләребезнең бабайларының шәхси фотосурәтләре урнаштырылган. Экспозициядә патриотик остаханәләр барышында кадетлар үз куллары белән ясаган хәрби техника модельләре күргәзмәсе тәкъдим ителгән. Һәр модельдә илнең хәрби тарихына карата тирән хөрмәт чагыла.