Бөтен ил буенча «Россия — минем тарихым» тарихи паркларында батырлык дәресләре узачак

2026 елның 6 мае, чәршәмбе

Бөтен ил буенча «Россия – минем тарихым» тарихи паркларында беренче тапкыр Бөтенроссия батырлык дәресләренең бердәм циклы башланды.

Дәресләр балаларда һәм үсмерләрдә кеше гомеренең кыйммәтен аңлау, үзара ярдәмләшү һәм үз гамәлләрең өчен җаваплылык хисен аңлауга юнәлтелгән. Программа Россия Мәгариф министрлыгы һәм Социаль-мәдәни башлангычлар фонды ярдәме белән Гуманитар проектлар фонды тарафыннан гамәлгә ашырыла.

Дәресләр нигезендә «Кайнар йөрәк» (Горячее сердце) Бөтенроссия иҗтимагый-дәүләт инициативасы лауреатларының тарихлары ята. Алар санлы технологияләр кулланып, интерактив форматта үткәрелә. Проектның төп игътибары эчтәлеккә һәм тәрбияви миссиягә юнәлтелгән.