КФУда Помпе чирен ген-күзәнәк терапиясе аша дәвалау ысулын уйлап таптылар
Казан федераль университетында Помпе чирен — α-глюкозидаза (GAA) ферменты эше бозылу белән бәйле сирәк очрый торган нәселдән килә торган авыруны дәвалау өчен инновацион ген-күзәнәк терапиясе эшләнә.
Бу авыру гликоген җыелуга һәм мускул яисә нерв тукымалары зарарлануга китерә. Проект Фундаменталь медицина һәм биология институты базасында гамәлгә ашырыла һәм авыруны дәвалауга принципиаль яңа якын килү ысулын булдыруга юнәлтелгән.
Эшләнә торган технология пациентның үз гемопоэтик (кан ясаучы) кәүсә күзәнәкләрен модификацияләүгә нигезләнгән.
Шулай итеп, КФУ галимнәре коллективы югары рейтинглы «International Journal of Molecular Sciences» халыкара журналында күзәтү бастырып чыгарды. Анда Помпе чирен дәвалауның заманча ысуллары, шул исәптән фермент алмаштыручы һәм ген терапиясе, шулай ук перспективалы күзәнәк технологияләре системалаштырылган.