Миңнеханов яшьләргә патриотик тәрбия бирүне стратегик бурыч дип атады
Татарстанда волонтерлык хәрәкәтен эзлекле рәвештә үстерергә һәм яшьләргә патриотик тәрбия бирү буенча эшне көчәйтергә кирәк. Бу хакта Татарстан Рәисе Рөстәм Миңнеханов Җиңүнең 81 еллыгына һәм Хәрби һәм хезмәт батырлыгы елына багышланган чараларны үткәрү буенча республика оештыру комитеты утырышында белдерде.
Татарстан Рәисе шулай ук волонтерларны кызыксындыруга һәм тиешле башлангычларны үстерүгә системалы килүнең мөһимлеген билгеләп үтте. Ул яшьләргә патриотик тәрбия бирү мәсьәләләренә аерым игътибар бирде һәм үсеп килүче буын белән нәтиҗәлерәк диалог төзү кирәклеген ассызыклады.
Миңнеханов шулай ук мәгариф учреждениеләрен һәм яшьләр оешмаларын патриотик көн тәртибенә активрак җәлеп итәргә, шул исәптән «Беренчеләр хәрәкәте» эшен үстерергә чакырды.