КНИТУ студентлары «Битум-мастер 3.0» Бөтенроссия кейс-чемпионатында призлы урыннар яулады
«Газпромнефть – Битум материаллары» компаниясенең Казан милли тикшеренү технология университеты (КНИТУ-КХТИ) белән берлектә оештырган «Битум-мастер 3.0» өченче Бөтенроссия студентлар кейс-чемпионаты тәмамланды.
Быел беренче һәм икенче урыннарны КНИТУ студентлары яулады, өченче урынга Екатерина II исемендәге Санкт-Петербург тау университеты лаек булды.
Җиңүчеләр предприятиедә җәйге стажировка үтү мөмкинлегенә, шулай ук Казан югары уку йортының профильле магистратурасына кергәндә өстәмә балларга ия булачак.
Чемпионат ике этапта узды. Ярышта катнашучыларга, икътисади һәм экологик факторларны исәпкә алып, иске асфальт-бетон капламаларын кабат куллану белән бәйле бурычны чишәргә тәкъдим ителде.
Беренче тур нәтиҗәләре буенча эксперт комиссиясе ун проектны сайлап алды.