Татарстан Республикасының көньяк - көнчыгыш районнарыннан махсус коррекция мәктәп җитәкчеләре һәм укытучылары арасында республика семинары

Сәламәтлек саклау мохите - ул сыгылмалы үсеш системасы, аның нигезен балаларның тормыш иминлеген уңайлы, җәберләмәүче һәм эмоциональ-тыныч режимда оештыру тәшкил итә.
13 декабрь көнне Татарстан Республикасының көньяк - көнчыгыш районнарыннан махсус коррекция мәктәп җитәкчеләре һәм укытучылары арасында республика семинары узды. Алар “Укыту - тәрбия барышында сәламәтлекләре буенча мөмкинлекләре чикләнгән укучыларның сәламәтлек саклау белем бирү технологияләрен тормышка ашыру” темасы барышында, укучыларның сәламәтлекләренә уңай тәэсир итүгә булышучы уңай эмоциональ мохит тудыру, балаларга шәхси якын килү эшен оештыру буенча фикер алышты.
Семинарны оештыру эшен, көмеш статуска ия булган, Лениногорск шәһәренең гомуми белем бирүче VIII төрдәге 14нче номерлы махсус (коррекция) мәктәбе башкарды. Балаларның сәламәтлекләре, укытучыларның никадәр грамоталы эшләүләренә бәйле, бу учреждение коллективы моны аңлап эш итә һәм үзенә сәламәтлекне саклау буенча алтын дәрәҗәсе алуны бурыч итеп куя.
Лениногорск, Бөгелмә, Әлмәт шәһәрләреннән, Урыссу, Рус Акташы эшчеләр посёлогыннан килгән укытучылар, балаларның исәнлегенә карата бәя бирү һәм сакчыл мөнәсәбәт формалаштыру, сәламәтлекләре буенча мөмкинлекләре чикләнгән укучыларның, яңача психологик- корррекцион үсешле белем бирү буенча тәҗрибә уртаклаштылар.