Актанышта 3 нче балалар бакчасында “Имин шәһәр” дигән кул эшләре конкурсы узды

2026 елның 13 мае, чәршәмбе

Актанышның 3 нче балалар бакчасында ”БДД”ның Актаныш бүлеге белән берлектә оештырылган “Имин шәһәр” кулдан ясалган әйберләр конкурсы узды. Чара балаларны юл хәрәкәте кагыйдәләренә өйрәтүгә юнәлтелгән иде. Конкурста 4 яшьтән алып 7 яшькә кадәрге балалар әти-әниләре белән бергә катнашты.

Пластилин белән ясалган картиналар аеруча кызыклы булды. Балалар пластилин ярдәмендә юл кагыйдәләрен күрсәттеләр. Алар рәсемнәрдә юл билгеләрен, светофорны ясаганнар.