Казан форумында Иннополис университеты «БАРС Груп» белән ИТ-белгечләр әзерләү турында килеште

2026 елның 14 мае, пәнҗешәмбе

«Россия — Ислам дөньясы: КазанФорум» XVII Халыкара икътисади форумының икенче көнендә Россиянең ИТ-югары уку йорты «БАРС Груп» компаниясе белән хезмәттәшлек турында килешү төзеде. Планлаштырылган проектлар арасында — стажировкалар, ИТ-белгечләр әзерләү һәм башкалар бар. «БАРС Груп» белән килешү компаниянең Иннополис университетының ИТ-белгечлекләр буенча белем бирү программаларын гамәлгә ашыруда катнашуын күздә тота.

Документны Иннополис университеты директоры Дмитрий Вандюков һәм «БАРС Груп» генераль директоры Тимур Әхмәров имзаладылар.