Рус теле буенча Хөкүмәт комиссиясе ике сүзлекне кагыйдәләрне билгеләүче сүзлекләр һәм татар/рус әдәби теле грамматикалары исемлегенә кертүне раслады
Хәзерге рус әдәби телен Россия Федерациясенең дәүләт теле буларак куллану вакытында аның нормаларын теркәүче кагыйдәле сүзлекләр, белешмәләр һәм грамматикалар исемлегенә аббревиатуралар сүзлеген, омонимнар сүзлеген һәм фразеологик сүзлекне кертү мәсьәләсе Рус теле буенча Хөкүмәт комиссиясе утырышының төп темаларының берсе булды.
Чара РФ Мәгърифәт министры Сергей Кравцов рәислегендә I Петербург Халыкара филология форумы кысаларында Санкт-Петербург дәүләт университеты мәйданчыгында узды.
РФ Мәгариф министры урынбасары Ольга Колударова хәбәр иткәнчә, быел әлеге исемлеккә биш сүзлек (антонимнар сүзлеге, паронимнар сүзлеге, синонимнар сүзлеге, кыскартмалар сүзлеге, топонимнар сүзлеге) кертелгән инде. Алар В.В. Виноградов исемендәге Рус теле институты сайтында урнаштырылган. Ольга Колударова сүзләренчә, аббревиатуралар сүзлеге белән омонимнар сүзлеген кагыйдәле сүзлекләр исемлегенә кертүне барлык эксперт оешмалары да тәкъдим итә, ә менә фразеологик сүзлекне экспертиза нәтиҗәләре буенча ачыкланган кимчелекләрне исәпкә алып эшкәртергә кирәк булачак.