Иннополис университеты эретеп ябыштыручы роботларны программалаштыруны 3–5 тапкырга тизләтүче программа эшләгән

2026 елның 15 мае, җомга

ИТ-вузның Сәнәгать робот техникасын үстерү үзәге экспертлары робот-эретеп ябыштыручыларның хәрәкәт траекторияләрен программалаштыру һәм симуляцияләү өчен «Металлообработка—2026» күргәзмәсендә яңа чишелеш тәкъдим иттеләр.

Яңа программа тәэминаты җитештерүдә инженер-технологның эшен җиңеләйтәчәк. Шулай ук ул эш урыны чикләнгән, эшләнмәләрнең геометриясе катлаулы булган һәм эретеп ябыштыру нокталарына барып җитү кыен булган шартларда процессларны роботлаштырырга булышачак.

Программа тәэминаты автопромда, машина төзелешендә, торба үткәргеч һәм энергетика тармакларында, суднолар төзелешендә, аэрокосмик сәнәгатьтә, шулай ук авыл хуҗалыгы техникасы һәм катлаулы формадагы төзелеш конструкцияләре җитештерүдә кулланыла ала.