Мәгариф өлкәсендә Россия-Кытай хезмәттәшлеге елларына старт бирелде
Пекинда 20 майда мәгариф өлкәсендә Россия-Кытай хезмәттәшлеге елларын ачу тантанасы узды.
Чара Россия Федерациясе Президенты Владимир Путин һәм Кытай Халык Республикасы Рәисе Си Цзиньпин катнашында үтте. Владимир Путин ассызыклаганча, бу — Россия һәм Кытай тарафыннан гамәлгә ашырыла торган унынчы дәүләтара бердәм проект.
Ул традиция буенча ике ил арасындагы һәрьянылы партнерлыкның һәм стратегик хезмәттәшлекнең аерылгысыз өлешенә багышланган. Россия дәүләте башлыгы Кытай Халык Республикасының 200дән артык югары уку йортында һәм 125 мәктәбендә укытыла торган рус телен өйрәнүгә кызыксыну зур булуын билгеләп үтте.
Россиядәге тел курсларында 66 меңнән артык кытай студенты белем ала. Үз чиратында, кытай телен өйрәнүче Россия гражданнарының саны да елдан-ел арта бара: бүген аларның саны 100 меңнән артып киткән, тагын 20 мең россияле аны Кытай Халык Республикасындагы белем бирү программалары кысаларында үзләштерә.