Инкубаторлардан алып GPS-кисетларга кадәр: Татарстан укучылары «Мәктәп бизнес-старты» финалында үзләренең бизнес-идеяләрен тәкъдим иттеләр
«Мәктәп бизнес-старты» проектының финал слёты республиканың 120 яшь эшкуарны берләштерде һәм традицияләрне саклаудан алып кыю технологик чишелешләргә кадәр булган чын идеяләр ярминкәсенә әверелде.
Финалга 12 команда барып җитте — алар Казан шәһәре, шулай ук Минзәлә, Буа, Кама Тамагы, Теләче, Тәтеш, Бөгелмә һәм Сарман районнары вәкилләре. Проектларның икътисади өлешен яклаганда укучылар исәп-хисапларны гына түгел, бәлки үзләренең иҗади сәләтләрен, базарны сизү һәм аңа тиз җайлашу осталыкларын да күрсәттеләр.
Гамәлдәге эшкуарлардан торган жюри һәр проектның үзенчәлекле булуын, бизнес-планның тормышка ашырырлык икәнлеген, потенциаль табышлылыгын һәм социаль әһәмиятен бәяләде.
Быелгы җәйдә үк җиңүчеләр Мәскәүгә юл тотачак — сәяхәт программасында «Сколково» технопаркы һәм башка танылган мәйданчыклар каралган.
Бизнесны үстерүгә сертификатларны Сарман районының 2нче Җәлил урта гомуми белем бирү мәктәбе һәм Казанның Яңа Савин районы 146нчы лицее алды.