Теләче районының 3нче балалар бакчасында балалар юл-транспорт имгәнүләрен кисәтү буенча конкурс узды

2026 елның 22 мае, җомга

Теләченең 3нче балалар бакчасында балалар юл-транспорт имгәнүләрен кисәтүгә юнәлтелгән «Әти, әни, мин — автомобильле гаилә» исемле район конкурсы үткәрелде.

Конкурста профильле ведомстволар һәм җәмәгать оешмалары вәкилләре катнашты. Ярышлар өч этапта узды.

Катнашучылар юл йөрү кагыйдәләрен яхшы белүләрен генә түгел, ә бердәм команда эшен һәм гадәттән тыш вазгыятьләрдә үзара дөрес хезмәттәшлек итә белүләрен дә күрсәттеләр.