Кукмараның «Салават күпере» балалар бакчасында «Зур Илнең кече патриотлары» проекты тормышка ашырылды

2026 елның 25 мае, дүшәмбе

2025/2026 уку елында Кукмара шәһәренең 6нчы «Салават күпере» балалар бакчасында «Зур Илнең кече патриотлары» проекты тормышка ашырылды (авторы — әлеге балалар бакчасының өлкән тәрбиячесе Ямалова Земфира Илдар кызы). Бу проект Татарстан Республикасы Рәисе грантын бирү буенча 2025 елгы конкурсның җиңүчесе булган иде.

Проектның максаты: уңай тәҗрибәне тарату һәм проектның күпкырлы чараларында катнашу аша мәктәпкәчә яшьтәге балаларны патриотик хәрәкәткә җәлеп итүгә һәм аны популярлаштыруга булышлык итү.