КФУда катламга ультратавыш белән тәэсир итү аша нефть чыгаруны арттыру технологиясе булдырылды

2026 елның 26 мае, сишәмбе

Ул нефть чыгару урыннарын эшкәртүнең соңгы стадиясендә авыр чыгарыла торган нефть запасларын чыгаруны интенсификацияләүгә юнәлдерелгән.

Казан федераль университетының Геология һәм нефть-газ технологияләре институты галимнәре нефть катламына түбән ешлыктагы акустик тәэсир итү технологиясен эшләгәннәр һәм фәнни яктан нигезләгәннәр.

"Безнең технология сыгылмалы дулкын кыры тәэсирендә тыгыз тирәлектә уза торган пороэластик, фильтрацион һәм физик-химик процессларны системалы исәпкә алуга нигезләнгән, һәм гамәлдәге эмпирик алымнардан катгый физик-математик нигезләү һәм эксперименталь верификация булу белән аерылып тора", - дип хәбәр итте ИГиНГТ ның нефть, газ һәм углерод материаллары технологиясе кафедрасы доценты Руслан Кемалов.