Педагогик югары уку йортлары һәм көллиятләрен тәмамлаучыларны Бөтенроссия студентлар чыгарылыш кичәсендә катнашырга чакыралар
Россия Мәгариф министрлыгына караган педагогик югары уку йортларының һәм урта һөнәри белем бирү учреждениеләренең чыгарылыш курс студентлары Бөтенроссия студентлар чыгарылыш кичәсендә катнаша ала. Моның өчен гариза бирергә һәм «Выпускник -2026» конкурсының шартларын үтәргә кирәк.
17 яшьтән алып 35 яшькә кадәрге (аларны да кертеп) укучыларга 8 июньгә кадәр проект платформасында гариза тапшырырга һәм биремнәр үтәргә кирәк: «Студент еллары – тормыш юлының төп мизгеле» темасына видеовизитка яздырырга, аны «ВКонтакте» социаль челтәрендә #Минобрнауки, #Росмолодежь, #ТвойХод, #Выпускник2026 хештеглары белән урнаштырырга, шулай ук 2024/25 уку елының икенче семестры һәм 2025/26 уку елының беренче семестры өчен зачет кенәгәсенең скан-копияләрен йөкләргә кирәк.
Июнь аенда Бөтенроссия студентлар чыгарылыш кичәсе – 2026 чарасына чакырылган 600 студентның исеме билгеле булачак.