Сергей Кравцов Түбән Новгородта «Профессионаллар» чемпионаты финалистлары белән очрашты

2026 елның 1 июне, дүшәмбе

РФ Мәгариф министры Сергей Кравцов эшлекле сәфәр белән Түбән Новгород өлкәсендә булды. Төбәк губернаторы Глеб Никитин белән бергә ул «Профессионаллар» һөнәри осталык чемпионаты финалының ярыш мәйданчыклары белән танышты.

Федераль һөнәри белем бирү технопаркында Россия Мәгариф министрлыгы башлыгы әлеге хәрәкәтнең амбассадорлары — 2025 елгы «Профессионаллар» чемпионатының җиңүчеләре һәм призерлары, шулай ук Түбән Новгород өлкәсеннән 2026 елгы финалда катнашучылар белән очрашты.

Яшьләр чемпионатта катнашудан алган тәэсирләре һәм үзләренең һөнәри киләчәген ничек күрүләре турында фикер алыштылар.

Россия Мәгариф министрлыгының матбугат хезмәте материаллары буенча