Югары нефть мәктәбендә «Йолдыз» («Звезда») Бөтенроссия инженерлык олимпиадасы җиңүчеләрен бүләкләделәр

2026 елның 1 июне, дүшәмбе

Әлмәт дәүләт технология университетының «Югары нефть  мәктәбе»ндә «Йолдыз» Бөтенроссия инженерлык олимпиадасының җиңүчеләрен һәм призерларын тантаналы рәвештә бүләкләү чарасы узды. Быел әлеге интеллектуаль ярышта Россиянең төрле төбәкләреннән 6–11 нче сыйныфларда укучы 1000нән артык мәктәп баласы катнашты.

Алар өч этапны — сайлап алу, йомгаклау һәм финал этапларын үттеләр. Укучылар рус теле, табигать фәннәре һәм җәмгыять белеме буенча белемнәрен сынашты.

 Финалга 224 мәктәп укучысы чыкты, ә 17 кеше призер булды. Бүләкләнүчеләрнең күпчелеге — 7–8 нче сыйныф укучылары. Һәр призер Нефть югары мәктәбеннән һәм олимпиада партнеры булган Россия машина төзүчеләр союзыннан кыйммәтле бүләк алды.