«Содружество Орлят России» сменасында мөһим темаларга җанлы сөйләшү узды

2026 елның 11 июне, пәнҗешәмбе

«Орленок — хранитель исторической памяти» трекы кысаларында «Дуслык» лагерена чын герой — махсус хәрби операция ветераны, сержант Руслан Владимирович Голубь килде. Бу гади лекция генә түгел, ә балалар белән ачык һәм эчкерсез диалог булды.

Сөйләшү иркен атмосферада узды, балалар үзләрен кызыксындырган сорауларын бирә алдылар. Сорауларның җитди һәм өлкәннәрчә булуы балаларның бу темага битараф калмавын һәм аның мөһимлеген яхшы аңлавын күрсәтте.