Наноконтейнерлар химиопрепаратларны шешкә китереп җиткерәчәк һәм аларның эффектын көчәйтәчәк
Казан (Идел буе) федераль университеты, Россия Фәннәр академиясенең «Казан фәнни үзәге» Федераль тикшеренү үзәге галимнәре һәм Белоруссия Милли фәннәр академиясенең Биофизика һәм күзәнәк инженериясе институтындагы (Беларусь) хезмәттәшләре белән берлеккә «два в одном» форматындагы акыллы система уйлап тапканнар: ул яман шешкә каршы препаратны турыдан-туры шеш күзәнәкләренә илтеп җиткерүче курьер буларак та, яңа үсеп чыккан шешкә мөстәкыйль һөҗүм итүче агент буларак та эшли.
Бу эшләнмә, химиопрепаратларның сәламәт тукымаларга һәм органнарга китергән зыянын максималь дәрәҗәдә киметеп, шешләр белән нәтиҗәлерәк көрәшергә ярдәм итәчәк, дип хәбәр иттеләр Россия фән фондының матбугат хезмәтендә.
Яман шеш белән көрәшүнең төп ысулларының берсе — химиотерапия. Шул ук вакытта, югары нәтиҗәлелеккә ия булуына карамастан, ул пациент өчен авыр эффектлар бирәз, чөнки агрессив дарулар сәламәт күзәнәкләрне дә үтерә. Шунлыктан галимнәр даруны сәламәт органнарга һәм тукымаларга кагылмыйча, турыдан-туры максатка илтеп җиткерә торган һәм шешнең дәвалауга карата тотрыклылыгы үсешен булдырмый калырга ярдәм итүче «акыллы» системалар эзлиләр.
Россия фән фонды гранты ярдәмендә үткәрелгән тикшеренү нәтиҗәләре Materials Today Chemistry журналында басылып чыккан.
Әлеге фәнни эшләнмә Россия Федерациясендә Фән һәм технологияләр унъеллыгы (2022–2031 еллар) кысаларында гамәлгә ашырыла торган казанышларның ачык үрнәге булып тора.