Казанда студентлар һәм экспертлар ЯИ ярдәмендә бизнес-бурычларны чишү өчен берләштеләр
Казанда «AI Challenge: Татарстан» кейс-чемпионаты узды. Татарстан Республикасы югары уку йортлары укучылары «Татнефть», «СИБУР-Инновации» һәм Фән һәм технологияләр ун еллыгы тарафыннан тәкъдим ителгән реаль бурычларны чиштеләр. «AI Challenge: Татарстан» катнашучылары өчен кейслар склад запасларының меңләгән позициясен автомат рәвештә категорияләргә аеру, базарны һәм дәүләт көйләвен исәпкә алып яңа продуктлар эзләү, шулай ук бизнес-процессларга ясалма интеллектны (ЯИ) кертү белән бәйле иде.
Кейс-чемпионат барышында экспертлар студентларга консультацияләр бирде һәм алар тәкъдим иткән чишелешләрне бәяләде. Чарада Татарстан вузларыннан — КГЭУ, КФУ, КНИТУ, КНИТУ-КАИ, КФУның Алабуга филиалы, ВШН, КГАУ, ТИСБИ һәм Иннополис университетыннан 90нан артык студент катнашты.