КНИТУ-КАИның Алдынгы инженерлык мәктәбе укучылары сәнәгать проблемаларын таптылар һәм аларны чишү юлларын тәкъдим иттеләр
Алдынгы инженерлык мәктәпләре (АИМ) белем бирү белән реаль производство очраша торган мәйданчык буларак ниятләнгән иде. Бу нәкъ менә шулай булып чыкты да — инде конкрет нәтиҗәләр бар. Студентлар уку проектларын гына үтәми, ә сәнәгатьтәге чишелеш тапмаган проблемаларны ачыклый һәм аларга коммерциягә юнәлтелгән эшләнмәләр рәвешендә җавап бирә.
Пермь политехника университеты, УрФУ һәм КНИТУ-КАИның Алдынгы инженерлык мәктәпләреннән металлургия, инженерлык проектлавы һәм вакуум техникасына багышланган өч проект моның гамәлдә ничек эшләвен күрсәтә.
Казан милли тикшеренү техник университетының Алдынгы инженерлык мәктәбе магистратурасы студенты Таһир Шәйхаттаров 2025 елда технологик һәм аналитик җиһазларда вакуумны үлчәү җайланмасы — терморезистив вакуумметр эшләүгә «Студентлар стартабы» грантын отты. Грантның күләме — бер миллион сум.
Алдынгы инженерлык мәктәпләре студентларга заманча җиһазлардан, экспертлар берләшмәсеннән һәм индустриаль партнерлар мөмкинлекләреннән файдалану хокукын бирде.