Туган телләр (чуваш, удмурт, мари, мордва телләре) һәм әдәбиятларыннан республика олимпиадасы

Туган телләр (чуваш, удмурт, мари, мордва телләре) һәм әдәбиятларын өйрәнүгә кызыксындыруны арттыру, сәләтле укучыларга туган телен өйрәнүдә шартлар тудыру максатыннан, 2013 елның 25 нче декабреннән 27 сенә кадәр республика олимпиадасы үткәрелде.
Олимпиадада барлыгы Татарстан Республикасы мәктәпләрендә укучы 83 укучы катнашты, шуларның 38 е - чуваш, 21 е - мари, 17 се - удмурт, 7 се мордва мәктәпләре укучылары.
Биремнәр Чуваш, Мари Иле, Удмурт, Мордовия Республикалары галимнәре тарафыннан әзерләнде һәм олимпиада комиссиядә эшләү өчен галимнәр, тел белгечләре дә шул ук республикалардан чакырылган иде.
Чуваш теленнән Апас, Чүпрәле, Алексеевск районнарыннан һәм Түбән Кама шәһәреннән, мари теленнән Әгерҗе, Мамадыш районнарыннан, удмурт теленнән Әгерҗе, Кукмара районнарыннан, мордва теленнән Бөгелмә шәһәре һәм Тәтеш районы мәктәпләрендә укучылар җиңүче дип табылды.