Татарстан Республикасы Министрлыклары Татарстан Республикасы Мәгариф һәм фән министрлыгы

Казанда татар телен укыту проблемалары һәм перспективалары хакында сөйләштеләр

2014 елның 28 марты, җомга

Бүген, 28 мартта, ТР Фәннәр академиясендә Татарстан Республикасы Премьер-министры урынбасары–мәгариф һәм фән министры Энгель Фәттахов катнашында “Татарстан Республикасы мәгариф оешмаларында рус телле аудиториягә татар телен укыту проблемалары һәм перспективалары” темасына семинар-җыелыш узды.
Семинарда милли мәгариф буенча методистлар, республиканың татар теле һәм әдәбияты укытучылары методик берләшмәләре җитәкчеләре, Казан шәһәреннән татар теле укытучылары, тел белгечләре-галимнәр, китаплар авторлары катнашты.
Катнашучылар рус телле аудиториядә татар телен өйрәнү өлкәсендәге актуаль мәсьәләләр хакында фикер алышты. Җыелышта татар теле укытучыларын әзерләү, инновацион технологияләр куллану, яңа заман укыту-методик комплектларын эшләү, китапларны тикшерү һ.б. проблемалар күтәрелде.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2021 ел

Бүген Татарстанның ике меңнән артык чыгарылыш сыйныф укучысы чит телләр буенча БДИ тапшыра ("Сөйләм" бүлеге)

Бүген 21 һәм 22 июньдә чит телләр буенча ("Сөйләм" бүлеге) БДИны Татарстанның ике меңнән артык чыгарылыш сыйныф укучысы тапшыра: 1984 укучы – бу агымдагы уку елы чыгарылыш сыйныф укучылары, 204 кеше – узган елгы чыгарылыш укучылары һәм көллиятне һәм техникумнарны тәмамлаучылар – 17 студент.

Казан бюджетыннан мәктәпләрнең куркынычсызлыгын тәэмин итүгә 167 млн сум бүлеп биреләчәк

Казанда социаль-мәдәни өлкә объектларының, беренче чиратта, балалар бакчалары һәм мәктәпләрнең иминлеген тәэмин итү чараларына, шәһәр бюджетыннан өстәмә рәвештә 65 млн сум юнәлдереләчәк. Бу яңа уку елы башланганчы ук мәгариф учреждениеләре иминлеген мониторинглауның нәтиҗәле системасын булдырырга мөмкинлек бирәчәк. Мондый карарны бүген шәһәр мэры Илсур Метшин Башкарма комитетта террорчылыкка каршы комиссия утырышында яңгыратты.

Россия көллиятләрендә кабул итү кампаниясе башланды

Кайбер төбәкләрнең урта һөнәри белем бирү учреждениеләрендә документлар кабул итү башланды инде. Илнең барлык көллиятләрендә ул 20 июньнән дә соңга калмыйча башланырга тиеш. Кабул итүнең гамәлдәге тәртибе документларны тапшыруның көндезге вариантын да, шулай ук электрон почта яки «Дәүләт хезмәтләре» порталы аша да күздә тота.

БДИның чит телләр буенча телдән өлеше 21 һәм 22 июньдә узачак

Чит телләр буенча бердәм дәүләт имтиханының телдән өлеше ике көн - 21 һәм 22 июньдә узачак. Катнашучылар имтиханның язма өлешен 18 июньдә тапшырдылар.

ЯҢАЛЫКЛАРГА ЯЗЫЛУ