Казан укытучылары өчен мәктәп укучылары иминлеге буенча тренинг узды

Казан шәһәренең 12нче номерлы мәктәбендә, “Куркынычсызлыксыз балачак: исән һәм сәламәт калыр өчен катлаулы очракларда үзеңне ничек тотарга” проектын гамәлгә ашыру кысаларында,мәктәп укучылары иминлегенә багышланган семинар-тренинг узды. Әлеге чарада укытучылар, Татарстан Эчке эшләр министрлыгы хезмәткәрләре һәм “Идел буе иле” толерантлык үзәге” Татарстан Республикасының региональ җәмәгатьчелек хәйрия оешмасы вәкилләре катнашты.
Катнашучылар фикеренчә, семинар-тренинг бик файдалы үткән һәм күп кенә катлаулы сорауларга җавап табарга ярдәм иткән. Семинарда катнашучыларның барысы да балалар, әти-әниләр, укытучылар һәм хокук саклау органнары арасында ышанычлы һәм ныклы мөнәсәбәтләр булдырып кына балаларның иминлеген тәэмин итеп, аларның үсеше өчен уңайлы шартлар тудырып булганлыгы белән килеште.