«Россия электрон дөньяда» Бөтенроссия олимпиадасында җиңүчеләр арасында Татарстан укучылары да бар

Татарстан Республикасы мәктәпләренең югары сыйныфларында белем алучы 2 укучы Б.Н. Ельцин исемендәге Президент китапханәсенең тарих, җәмгыять белеме һәм рус теле фәннәреннән “Россия электрон дөньяда” Бөтенроссия олимпиадасы җиңүчеләре исемлегендә.
Казан шәһәреннән Анастасия Рубцова рус теле буенча олимпиада призеры булды, ә Лениногорск шәһәреннән Ливия Панина җәмгыять белеменнән яхшы нәтиҗәләр күрсәтте. Җиңүчеләр исемлегендә шулай ук Санкт-Петербург һәм Ленинград өлкәсе, Удмуртия һәм Башкортостан республикалары, Орлов, Тамбов, Пенза, Кемерово һәм Калининград өлкәләреннән югары сыйныф укучылары бар.
Президент китапханәсе олимпиадасы инде дүртенче ел рәттән үткәрелә. Елдан-ел олимпиадада катнашучылар саны арта. Быел исә катнашыр өчен Россия Федерациясенең 82 субъектыннан 3 меңнән артык мәктәп укучысы заявка җибәргән. Президент китапханәсе олимпиадасының максаты – яшьләрдә илебез тарихында булган вакыйгаларга кызыксыну уяту. Олимпиада җиңүчеләрен һәм призерларын бүләкләү тантанасы 14 майда Президент китапханәсендә узачак. Аларга истәлекле бүләкләр тапшырылачак.