Казанда “Мин татарча сөйләшәм” акциясе үтәчәк

Татарстан Республикасы мәгариф һәм фән министрлыгы тарафыннан татар телен, әдәбиятын, мәдәниятен саклау һәм үстерү, татар теленә игътибарны җәлеп итү, татар телен яшьләр арасында популяр итү, заманча татар башкаручыларын киң җәмәгатьчелеккә таныту максатыннан Бөтендөнья татар конгрессы Башкарма комитеты белән берлектә 2014 нче елның 20 - 26 нче апрель көннәрендә Казан шәһәренең үзәк урамнарында “Мин ТАТАРЧА сөйләшәм!” акциясе үткәреләчәк.
26 нчы апрель көнне сәгать 14.00 дә Казанда тугызынчы тапкыр “Мин ТАТАРЧА сөйләшәм!” акциясенең йомгаклау гала - концерты узачак.
Быел акция берничә чарадан торачак: республика мәктәпләрендә конкурс, “Татар-дозор” дип аталган квест-уен, велосипедта узышу һәм Бауман урамында йомгаклау концерты.

Тулырак мәгълүмат:
Видеоанонс - http://www.youtube.com/watch?v=PZ6mOYS7IJU&feature=youtu.be
“Мин татарча сөйләшәм. Балалар” - http://www.youtube.com/watch?v=wGfNDhosIwk