Татарстан мәктәп укучылары “Робототехник” һәм “Начни IT” профиль cменаларында катнашты

30 мартта Анапа шәһәрендә “СМЕНА” балалар федераль үзәге базасында “Робототехник” һәм “Начни IT” профиль cменалары ачылды. Әлеге чара “Сәнгать, фән һәм спорт” хәйрия фонды ярдәме белән “IT Start” программасы кысаларында Россиянең югары сыйныф укучылары өчен оештырыла. Сменаларда Россиянең 20 регионыннан килгән, техника иҗаты белән кызыксынган югары сыйныф укучылары катнашты. Чарада Татарстан Республикасы делегациясе составында “Балалар иҗаты үзәге” директоры Фидан Миңнеәхәт улы Хафизов, Байлар Сабасы шәһәр тибындагы поселыгы гимназиясенең 10 сыйныф укучылары Булат Муратов, Ренат Зарипов, Ренат Бариев, шулай ук Саба муниципаль районы Шәмәрдән лицееның 10 сыйныф укучылары Булат Сөнгәтуллин, Илнур Гатауллин, Илдар Сафиуллин катнашты.
Уку-укыту мәйданчыклары эшчәнлеге ике атна дәвам итте. Бу вакыт эчендә егет-кызлар экспертлар җитәкчелегендә үзләренең IT-проектларын ясады, робототехника нечкәлекләренә төшенде, спартакиадада катнашты. Ярышлар нәтиҗәләре буенча Татарстан Республикасы командасы Стритбол һәм Минифутбол буенча 1нче урыннарны яулады. Шулай ук Ренат Бариев һәм Илнур Гатауллин аерым төр ярышларда иң яхшы нәтиҗәләр күрсәтеп 1нче урынга лаек булды.
“Робототехник” сменасы нәтиҗәләре буенча катнашучылар роботлар ярышында көч сынашты, биредә безнең егетләр “Кегельринг”юнәлеше буенча 2нче урын алды.