“Мөстәкыйль балалар” проектының иң активлары балалары “Костер” республика балаларны сәламәтләндерү-белем бирү үзәгендә булды

18 апрельдән 20 апрельгә кадәр “Костер” республика балаларны сәламәтләндерү-белем бирү үзәге “Мөстәкыйль балалар” / «SaMoSтоятельные дети» Республикакүләм наркотикларга каршы проектының иң актив балалары өчен үзенең ишекләрен ачты.
Үзәккә килгән беренче минутлардан ук профильле сменаның кыска, ләкин эчтәлекле һәм кызыклы вакыйгаларга бай булачагы билгеле иде.
Смена Татарстан Республикасы сәнгать галлереясының күргәзмә залына экскурсия белән ачылды. Сменаны ачу тантанасында Татарстан Республикасы Мәгариф һәм фән министрлыгының өстәмә белем бирү бүлеге белгече Нотфуллина Гүзәл Рәис кызы катнашты.
РФ Наркотиклар әйләнешен контрольдә тоту федераль хезмәтенең ТР буенча идарәсенең ведомствоара бәйләнеш бүлегенең баш белгече Бачева Татьяна Сергеевна үткәргән мастер-классында булганнан соң укучылар “Белергә хакым бар” / “Имею право знать” интернет-дәресен әзерерләргә кереште.
Заманча кылыч сугышы федерациясе сәхнәләштерелгән күренеш укучылар өчен бигрәк тә истә калды. Балалар кылыч сугышы серләре турында белеп кенә калмадылар, үзләре дә катнашып карадылар.
“Ел лидеры” бөтенрәсәй бәйгесе җиңүчесе, Россия Федерациясе президенты В.В.Путинның яшьләр өчен гранты иясе, “Татарстан Республикасының алтын алып баручысы” исемен яулаган, “Эфир 24” каналында “Kazan Style” телетапшыруының алып баручысы Тимур Рамазанов белән очрашу балалар өчен бик тәэсирле булды. Кичен үткәрелгән иҗади-күмәк эштә дә балалар бик теләп катнаштылар.
Икенче көнне балалар проектның алдынгы педагоглары үткәргән мастер-классларда булдылар. Йомгаклау көнендә бик теләп үзләренең “Белергә хакым бар” / “Имею право знать” интернет-дәреселәрен күрсәттеләр.
Ябылу тантанасында смена эшенә йомгак ясалды. Иң актив катнашучылар дипломнар белән бүләкләнде. Укучылар сменаны оештыручыларга зур рәхмәт сүзләрен белдерделәр.