Әлмәт дәүләт муниципаль хезмәт институты яңа уку елына әзер!

Әлмәт дәүләт муниципаль хезмәт институтының  К. Цеткин урамы 22 нче йортта урнашкан урта һөнәри белем бирү факультетында (сәүдә-икътисад техникумы) өлешчә капиталь ремонт тәмамланды. Ремонт эшләре барышында спорт һәм актлар залы, бинаның алгы ягы, керү урыннары төзәтелде. Уку һәм шейпинг бүлмәләре яхшыртылды, җылыту торбаларының  700 метры алыштырылды. Техникум территориясе шәхси эшмәкәр ярдәме белән төзекләндерелде.
Ремонт эшләренә барлыгы 6,5 млн сум иганәче ярдәме кулланылды, аның 4,1 миллионы – «Татнефть» ААҖ  ярдәме. Институт хисабыннан 1,5 млн сум тотылды.
Әлмәт дәүләт муниципаль хезмәт институты ректоры Сәлахов Ильяс Рәхимҗан улы төзәтү эшләрен башкаруга зур өлеш керткән һәм финанс ярдәм күрсәткән өчен «Татнефть» компаниясенә, шәхси эшмәкәр Ихсанов Дамир Фәрит улына, барлык иганәчеләргә, ремонт бригадаларына һәм институт коллективына зур рәхмәтен белдерә.