“Каенкай” җәйге сәламәтләндерү лагеренда тәрбиягә бала алган гаиләләрнең беренче слеты булды

Тәрбиягә бала алган гаиләләр институтын үстерү һәм ныгыту максатыннан  23-24 августта  Чистай шәһәренең "Каенкай" җәйге сәламәтләндерү лагеренда Татарстан Республикасының Кама аръягы зонасындагы  тәрбиягә бала алган гаиләләрнең беренче слеты булды. Слет "Чистай балалар йорты"  дәүләт бюджет белем бирү учреждениесендә Татарстан Республикасының Мәгариф һәм  фән министрлыгы ярдәме белән "Иңне иңгә куеп" – балалар тәрбияләгәндә кыенлыклар кичерүче тәрбиягә бала алган ата-аналарга консультатив ярдәм күрсәтү өчен уңышлы тәрбиягә бала алучы ата-аналарны әзерләү" грант проектын тормышка ашыру кысаларында  уздырылды.
Слет Татарстан Республикасы Кама аръягы зонасының биш муниципаль районының тәрбиягә бала алган  гаиләләрен  җыйды.
Слетны оештыручылар үз алларына тәрбиягә бала алган гаиләләрдә гаилә-туганлык мөнәсәбәтләрен ныгыту, ятим балаларны һәм ата-ана каравыннан мәхрүм калган балаларны гаиләгә урнаштыру проблемасына игътибарны юнәлтү һәм шулай ук Татарстан Республикасының Кама аръягы зонасындагы тәрбиягә бала алган   ата-аналарның консультатив төркемен үстерү максатын куя.
Слет Аксубай, Алексеевск, Әлки, Спас  һәм Чистай муниципаль районнары башкарма комитетлары опека бүлекләре начальниклары һәм белгечләре актив катнашуында узды.
Тәрбиягә алынган балаларны тәрбияләүдә  һәм  аларны социальләштерүдә уңышлы тәҗрибәсе  булган тәрбиягә бала алган  гаиләләр "Гаилә – нигезләр нигезе" конкурсын тәкъдим итү барышында үз гаиләләренең уңышларын күрсәттеләр.
Кулинарлар конкурсын үткәргәндә тәрбиягә бала алган гаиләләргә зур гаиләне ашату осталыгы ярап куйды.
Иҗат итү, практик күнекмәләр, инструментлар белән эш итү, креативлык  "Гаилә остаханәсе" конкурсында катнашучыларга ярдәм итте.
Гаиләне алмаштыручы гаиләләрдә тәрбияләнүче балалар һәм башка балалар иҗат конкурсларында һәм спорт ярышларында үзләрен яхшы яктан күрсәттеләр.Алар диагностик процедураларда һәм балалар өчен уздырылучы тренингларда бик теләп катнашалар.
Барлык эшләрдә  һәм конкурсларда ата-аналар һәм балалар  иңне- иңгә куеп бергә  катнаштылар, бер-берсенә ярдәм итеп, бер-берсенә көч бирделәр.
Икенче көнне  уңышлы гына эшләүче тәрбиягә бала алган ата-аналар "Тәрбиягә бала алган гаилә -  кайгырту һәм мәхәббәт территориясе" дигән түгәрәк өстәл барышында һәм "Без бергә" психологик остаханәсендә балаларны яңа тәрбиягә алучы ата-аналар белән тәҗрибә уртаклашу, юрист һәм психолог белән көнүзәк мәсьәләләр буенча консультация алу, опека бүлеге белгечләренә үзләрен борчыган сорауларны бирү мөмкинлеге булды.
Тулаем алганда, слет күңелле узды, Кама аръягындагы гаиләләр арасында элемтәне ныгытты, балалар йорты белгечләренең киләчәктәге эшләренә этәргеч бирде. Белгечләр дә, тәрбиягә бала алган  ата-аналар да "Иңне-иңгә куеп" проекты кысаларында киләсе елга перспективалы хезмәттәшлек итүне тикшерделәр. Оештыручыларны проектның  Кама аръягы зонасында муниципаль районнарның опека бүлекләре белгечләре ягыннан да, тәрбиягә бала алган ата-аналар ягыннан да яклау табуы шатландырды.
Слет азагында һәр бала һәм һәр өлкән кеше Кама аръягындагы тәрбиягә бала алган гаиләләрнең  беренче слеты турында истәлеккә бүләк яки сувенир алды.