Урта һөнәри белем бирү факультеты бинасынын тантаналы ачылышы

Әлмәт дәүләт муниципаль хезмәт институтының урта һөнәри белем факультеты “сәүдә-икътисад техникумы” яңа уку елын янартылган актлар залында каршылады. Капиталь ремонттан соң актлар һәм спорт залы 45 еллык тарихы булган уку йортына яңа сулыш өрде.
Тантанада Әлмәт муниципаль районы башлыгы М.Х. Салихов катнашты. Ул укытучылар коллективын һәм студентларны Белем бәйрәме һәм күптән көтелгән ремонт эшләренең үз вакытында тәмамлануы белән тәбрикләде.
Институтның ректоры И.Р. Салахов, үз чиратында, һәрдаим күрсәткән ярдәме өчен хакимият башлыгына укытучылар һәм студентлар исеменнән рәхмәт белдерде һәм Рәхмәт хатын тапшырды.  Шулай ук, заманча таләпләргә туры килерлек итеп ремонт ясауда булышкан “Татнефть” ААҖ җитәкчелегенә, шәхси эшмәкәрләргә, ярдәм кулларын сузган элеккеге чыгарылыш студентларына ихластан рәхмәт сүзләре әйтелде. Котлаулар студентларның дәртле җырлары белән үрелеп барды.
Янәшәңдә шундый алтын куллы, олы йөрәкле ярдәмчеләр булуны тоеп яшәү студентларга да, укытучыларга да зур җаваплылык өсти, киләчәккә ышаныч уята.