Бөтенроссия мәктәп укучылары олимпиадаларының йомгаклау этабын үткәрү вакыты билгеле булды

24 октябрьдә Россия Мәгариф һәм фән министрлыгында Бөтенроссия мәктәп укучылары олимпиадасының үзәк оештыру комитеты утырышы узды. Катнашучылар Олимпиаданың региональ һәм йомгаклау этапларын оештыру һәм уздыру, Бөтенроссия мәктәп укучылары олимпиадасын үткәрү Тәртибенә үзгәрешләр кертү, региональ һәм йомгаклау этапларын үткәрү вакытлары, Олимпиаданың йомгаклау этабын үткәрү урыны һәм катнашучыларның саны турында фикер алыштылар. РФ Президенты Карары нигезендә Олимпиаданың йомгаклау этабында җиңүчеләр һәм призерлар квотасы 30 %тан 45 %ка кадәр арта. Шул ук вакытта әлеге этапта эшләнгән олимпиада биремнәрен бәяләү нәтиҗәләре буенча алырга мөмкин булган максималь баллның 50 %ыннан да әзрәк балл җыймаган катнашучы гына җиңүче яки призер дип табылачак.
Олимпиаданың региональ этабы 2015 елның 14 гыйнварында башланачак. Ә Бөтенроссия олимпиадасының йомгаклау этабы җиңүчеләрен билгеләү 28 марттан 29 апрельгә кадәр дәвам итәчәк.